moustafa's profileمجرد انسان...... زهقاااا...PhotosBlogListsMore  |  Tools Help |
Thanks for visiting!
Joerg Muellerwrote:
Apr. 27
3efat .wrote:
سلاام
كيفك مصطفى ان شاء الله بخير
حبيت اسلم عليم وائولك كل سنة وانتي سالم
ينععاد عليك بالصحة وهداة البال..
 بتمنالك عيد سعيد..
Sept. 30
sOuL AnGeLwrote:
هااااااي
كيفك؟؟ شو اخبارك؟؟
ان شاء الله تكون بخير
حبيت مر عليك وقلك كل عام وانت بخييير
وبتمنا يكون عيك حلو ولزيز
تحياتي الك
روحــ الملاكــ
Sept. 30
No namewrote:
Outbreak communications__Variation rabies outbreak
Monster Chinese society is changing, human dog was a total power of animal hybrid monster cattle dog cross-infection to the variability of rabies and mad cow disease virus, the direction of variation in length to the dog dwarf degradation, Like the AIDS virus transmission mode, is contagious and hereditary. To the third generation of breeding cattle dog show features terrible, as most of dwarf, or chaos-skeletal, brain, etc. variation caused by residual disability, Simple difference in the secretion of cows, dogs smell, the dog long pointed teeth, sexual intercourse semen was stinky squid smell (non-human almond flavor) and so on variation symptoms. China has been human monster dog hybrid regime forces and the EEG wave radar set up too many unstable factors and problems, such as: the cult Falun Gong practitioners, mental and psychological disease rates rise, the United States 9.11 tragedy, drug Fanlanchengzai, traditional morality and The disappearance of ethics (the dog become widespread sexual intercourse), etc. case. (Radar EEG brain waves with the same wave-generating reaction principle, a total of Goujiao idea generator, said to be secret weapons, or weapons of nerve.) Was the external surface of things there, Result in extinction of the times! Huang Hui-jie. Long-xiang(Ji Chang)
Aug. 7
Apr. 3
|
مجرد انسان...... زهقااااان..............................................................................
June 22 تباً لهم
May 09 مكان للحلم ..كيف لي أن أستمر في عدم الأعتراف بكوني ...أتساقط..! .. بالفعل لم أستخدم لفظاً بعيداً عن المعنى..أعتقد أنني احيانا أشعر بأن هناك ما أفقده.. تتساقط مني الاحلام والأماني.. كتساقط أوراق أشجار الخريف ...التي تحملها الرياح بعيداً عن الغصن أشعر بألمها وحزنها لتخليها عن الغصن الذي احتواها حتى مرّ بها العمر..لتجف وتذهب أدراج الرياح...كما ذهبت أحلامي.. كم من أحلامٍ مفعمه بالحياه تساقطت وتهاوت مع الأيام..وأصبحت لاتلهب في القلب الحماسه ..كسابق عهدها كم من الامال بنيتها وأنا أتابع سقوط حبات المطر على زجاج النافذه..وأراقب انعكاسها كحبات اللؤلؤ.. لتنزلق من على الزجاج وتتهاوى نزولاً...ليتهاوى معها ما بنيت من امال.. : مش فارقه أوي التشبيهات ال بقولها دي كلها ..المهم ان النتيجه واحده وان احنا بقى جوانا حجات كتير بتقع وبتضيع..تقولي بأه تساقط ورق...ندى..مطر .. تقولي تساقط شعر ..ده حتى تساقط الشعر بأه له انواع كتير من العلاج مش عارف ايه الكاّبه دي كلها..حتى الاحلام الحلوه..بقى وقتها قصير يدوب تيجي تحلم..هوبّااا تصحى على مفيش .. اوقات بحس اني المفروض اقتل كل أمل جوايا وهوا بيتولد ..دون أن يطرف لي جفن زي أي قاتل مأجور بيحترم شغله : عشان محلمش تاني .. تجتاحك الرياح..دون استئذان وتهتز أغصانك تتساقط معها اوراق عمرك حاملة العديد من الاماني : لايمكنك أن تستسلم للرياح..كما ان هذا الخيار غير مفعل.. لكي تواصل اللعبه وميظهرلكش جيم اوفر تمهل..!ا ..انظر لما أصبحت عليه..لقد زادتك الرياح صلابة وقوه.. وامتدت جذورك في الأرض متماسكة جفت الأغصان..تساقطت الاوراق ..وبقي لك... قلبك!!..قلب ينبض ..بالحب بالصفاء..بالشفافيه بالايمان لم تغير السنون من نضارته " قد لا ندرك طبيعة الأشياء الفعليه ..ولا تصبح واضحه امامنا سوى وقت الشده حينها نرى الحقيقه واضحه جليه الأمل الحقيقي والحلم الأبدي مازال بداخلك " الكلام ده بيريحني بجد...لما بحس بأن الكنز الفعلي موجود..في الرحله زي ماقالو الحكما من خلال الرحله دي لازم تتعلم أنك تكون مخلص لربنا سبحانه وتعالى من جواك مخلص مع نفسك مخلص مع من حولك تتعلم ازاي تزداد صبراً وتصميمياً ومثابرة وعلى انك متغيرش من الحجات الحلوه ال جواك الحجات النضيفه ..البريئه ال لسه بتحلم بيها وال معندكش اي استعداد تتنازل عن كونها جواك " يارب.. الهمني الصبر والقوه والعزم والشجاعه على ان اواجه اخطاء نفسي اللهم ارزقني حبك وحب من يحبك اللهم باركك لي في من أحب..وأعينني على فعل ماتحب " مجرد انسان April 30 مدينتي المفقوده وسط كل الدوشه والزحمه..والضجيج والناس ال رايحه وجايه.. الناس ال بتضحك والدنيا لذيذه ...والناس المكشره عشرات الاتصالات والرسائل والنغمات ..سيمفونيه من الضوضاء وبرغم كل ذالك.... .. يعود طيفك ليحتويني...دون حول مني ولا قوه لأستقيل من واقعي... لأبدأ رحلتي من جديد راحلاً الى مدينتي المفقوده حيث يقبع مكانك داخلي : عارفه ده ايه...؟ ده الوقت المستقطع ...من عمري ليكي اللي مش بشوف فيه حد غيرك ومش بسمع فيه حد غيرك ومش بحس فيه حاجه غيرك عارف اني مش بعرف أقول شعر....لكن عارف كمان ان لا أحمد رامي ولا أمل دنقل ولا حتى امرؤ القيس يقدروا يحبوكي قدي : تخفت الضوضاء تدريجياً أو تعتادها..كلما ارتحلت نحو مدينتي المقوده وتتحول الى مجرد همهمات من حولي.. ..وكأنها خلفيه موسيقيه للمشهد في مخيلتي أرى العالم بعين فارغه.. تماماً لا ألقي بالاً لمن يتحدثون من حولي أكتفي بالايماء لهم من حين لاخر ..دون وعي...تباً لكم.. انتم الان تقتحمون عقلي في وقت غير مناسب ..للحديث بمنتهى الصفاقه عن مدى حب احدكم لصينية البطاطس محمّره من فوق ولا لأ...وكيف أن القلم (ال كان بيكتب بيه شحّط ومش بأه بيكتب) مهلاً..هناك أنا. يملئني الحنين والشجن ...نحو مدينتي المفقوده.. تعانق روحي طيفها ..رغم البعاد . يتحرّق قلبي ..شوقاً.... لها .... اكثر من صينية البطاطس : أتعجب من ذالك السكون الذي أشعر به اه..كم من ليل مرَّ علي ...وأنا أفتقدك..كعاشق أخرق يملأ الدنيا صراخاً لرحيل حبيبته كم رافقتني ذكراك اينما ارتحلت... أراك كلما رأيت السماء صافيه..كلما سمعت صوت العصافير كلما رأيت طفلا يحبو باسماً..أراكي في كل جميلٍ يسكنني قرار دون حول مني ولا قوه... أحبك .. يغمرني الان الحنين..لكي بغربة تعتريني...تبعث بداخلي شعوراً ..افتقده كما أفتقدك مقدرش اقولك انه احساس حلو..بس هوا مش وحش عارفه..عامل زي ماتكوني ف مكان مناسب وفي الوقت الخطأ او في المكان الخطأ وف الوقت المناسب..المهم ان في حاجه غلط..وحاجه صح.. واكيد ده احسن من ان الحاجتين يكونو غلط : ::::: معلش ياحبيبتي ..أنا مضطر أسيبك دلوقت..عشان لازم اصحى من الحلم واشوف أنا كنت بعمل ايه هناك..في العالم الواقعي..ال بجد بجد بجد.. >>>>>>>>>>>>> I remember the time the time that we had I remember the things that use to make you mad And I wish I could turn back the time And I wish I wouldn't cry every night I remember the time clock always tickin' that's no question i did you wrong i must confess not my intention when i mention your name the pain i feel ashamed if i could i would it's only me that i can blame my time was on i had to move no substitution i took the risk although no conclusion lack of piece of mind to go the same direction time is never personal you win or loose relationships that's the way how it goes deeply hurt from your head to your toes slow mo' see you dragging down the hole you should be where you belong in the front row i cried everyday improved my behaviour you can't see what i see tell me why are you in anger forgive your enemies let the lord be your saviour in god i will trust 'cause i know he will remember January 30 هكذا..احبك
قد تخلق العواصف والأزمات التي تمر بها مراحل الحب من ما يولده حب بين ساعات الفرح والسعاده
كل ذالك الافتقاد كل ذالك الشجن كل التناقضات الممكنه تصبح كل دمعه وكل تترك أثر ندبه على رداء الحب
هل يقل الحب لأ طبعاً وقطعاً ومطلقاً وبتاتاً
وكان وأخواتها لو لزم الأمر
كل ندبه تتركها تلك اللحظات
يتبعها دفقة من طاقة الحب
لتعالج تلك الندبات :
تتزايد الندبات
وتتوالى دفقات طاقة الحب
ليتولد ذالك الحب الأقوى الحب المطلق ..الذي لم يكن الحب سوى مرحله أولى ..منهحب أنقى وأمتن من حب صنعته السعاده حب يمنحك الحريه حتى وأنت مسربلاً في قيودك :
أعلم أن الأمر يبدو معقداً لأول وهله
ولكنه ليس بتلك الصعوبه على ذالك الحب :
هكذا أحبك :
الاقتناع والثقه والايمان بحسن نية الاخر في افعاله نحوك
وحسن النيه في افعالك نحو الاخر
ان تثق بأنه لم وان كل مافعله قد يخطأ أسلوبه أو نتيجته
ولكن الوازع واحد وأن ينطبق ذالك عليك أيضاً :
هكذا أحبك :
لتتوقف هنا للحظات هل بالفعل كان الحب هو ضميرك ؟
هل تثق في أنك لم :
كلما وصلت للحظة القناعه تلك قبس من نور همسة من حب تتصاعد حتى تمنحني شعوراً أعجز عن وصفه :
مشاعرعامله زي نجم كوره في ماتش اعتزاله
والجماهير هتقطع نفسها عليه
وبتهتف بأسمه ورقم التيشيرت بتاعه
او نجم سينما درجه تالته ولقى نفسه فجأه بيستلم الأوسكار
أو حتى واحد ضريب ولقى قدامه شوال من (ده تخريف أكيد) :
ذالك المزيج من المشاعر المتضاربه التي يشعر بها
تلك القشعريره الممزوجه بالفخر
مزيج من مشاعر الحب والأسى القوه والضعف
:
هكذا أحبك :
مجرد انسان December 28 .......
مرحبا بك أيها التعيس ..مرحبا بك في العالم الحقيقي ..مرحبا بك في عالم قاسٍ ..مليئ بالأحزان........................................................ و ..وتمضي الأيام وتمر وتتلاحق الأعوامكل ساعات العالم تثبت لك ذالك ولازلت أنت في مكانك تبكي أطلال الماضي مثخن بجراح الروح ..الألم يقطر دماً ...أقصى امالك أن تتوارى خلف أحد الحوائط لتلعق جراحك ..لتشحذ قواك وتستطيع المواصله ... يجب أن تعترف ..أنت انسان تنزف روحه الحب
... أربعة أشهر خارج هذا العالم داخل رقائق الشاش والجبس ساهمت في خلق تلك الفجوه العميقه بينك وبين كل ما حولكهل هيا فتره كافيه بالفعل ليتغير كل ما _ومن_حولك..؟!.... ..... كانت فتره كافيه لتفقد وظيفتك .. فتره كافيه لتنهار فيها بعض امالك..فتره كافيه لأغتيال أغلى أغلى أحلامك ..فتره كافيه لخلق ألف ألف جرح داخل أعماقك ..فتره كافيه لخلق كل حنق وغضب وهموم العالم بداخلك فتره كافيه لتشعر فيها كم أنت وحيـــــــــــــد فتره كافيه لجعلك تتمنى أن تستيقظ من ذالك الحلم ..الحقيقي: فتره كافيه لجعلك تدرك انك أصبحت بلا رصيد وانك استلفت التلاته جنيه ومفيش أمل ان حد يحولك خمسه يعني أسلم حل انك ترمي الخط بتاعك ده في الزباله وتخلليك مع ميناتل : وان كل رصيدك ..لا يتعدى كونه مجموعة من الذكريات تجتذبك ..ترى من خلالها اثار ماضٍ احتواك ..استغرقك ..حتى أنك لم تلتفت للحاضر من المؤسف أن تصبح كل علاقتك بمن تحب هي مجموعه من الذكريات مجرد خيالات ...هيا دليل اثباتك عن وجود الحب بداخلكأوا تستحق الحياه ان نحياها بدون من نحب؟ هل تستحق الحياه أن نغدو بها ولا نجد من يشاركنا السعاده؟ " ......... ::: يجب أن تعترف ..أنت انسان تنزف روحه الحب..
مرحبا بك أيها التعيس مرحبا بك في العالم الحقيقي مرحبا بك في عالم قاسٍ ........................................................ مش ضعف انك تقف حبّه تحاسب نفسك ولا ضعف انك تلاقي انك خسرت أو غلط او حتى مشيت عكس السير
الضعف انك تستسلم لده
وتسلم نفسك وتبكي عاللبن المسكوب في الوقت ال الدنيا لسه مليانه جواميس وبقر
: لم أرتدي تلك الرقائق البيضاء من الشاش معتقدا ً انني من الملائكه وأن كل من حولي هم شياطين يستحقون الرجم ولا أعتقد أن مهاجمة الاخرين من اختصاصاتي مازلت أنا هو أنا في قرارة نفسي ولكنني ..كلما نظرت الى النجوم لم أعد أمد يدى مؤمناً بقدرتي على التقاطها كلما أنظر الى الزهور لا أرى سوى الشوك منهالم أعد أسمع الامواج تردد صدى اسمك .... يجب أن تعترف ..انت انسانتنزف روحه الحب .....
مرحبا بك أيها التعيس ..مرحبا بك في العالم الحقيقي ..مرحبا بك في عالم قاسٍ ..مليئ بالأحزان........................................................ ....
يجب ان تكون ايجابياً ..وتقوم بترتيب الخيارات المتاحه أمامكففي النهايه ..لازالت الأيام تمضي: سيمتطيك الألم والحزن لأيام ستصبح كالمحموم لعدة اسابيع سوف تعاني ليل نهارلأشهر قد ينشطر قلبك من الأسى ولكنك يوماً ما ..ستتعافىوستصبح قادراً على مواصلة حياتك لانك انسان تنزف روحه الحب ...............
مجرد انسان
August 01 الزباله وولاد االــ..عفواً..هذا البوست قد يحتوي على بعض الكلمات التي تندرج تحت بند بذاءات لذا فأن هذ الموضوع للكبار فقط من 60 سنه لفوق :
:
كل مااتمناه.. الاّ أراكم مرّه أخرى كل مااتمناه..أن تختفي اثاركم يكفي كل تلك التشوهات التي خلفتموها ورائكم _يازباله ياولاد الكلب_ : لا أعلم اساساً..من سمح بوجودكم هنا لتمارسون كل أنواع الخلاعه والانحطاط علانيه بالتأكيد هم مجموعة من الأوغاد مثلكم _من يسمحون بذالك_ :
: هل تجدي القنابل الحارقه او مدافع الهاون للقضاء عليكم لا..لا أعتقد : مش عشان قلبي قلب خسّايه ولا عشان هتصعبو عليّا : ولكنني حتى لا أريد أن أرى بقايا أشلائكم...هنا _يازباله ياولاد الكلب_
سوف يتبقى منكم ما يذكرني بكم مايشعرني بالتقزز ::
كم اشعر بالشفقه على أطفال صغاريفتحون عيونهم وقلوبهم مقبلين على الحياه ليجدوكم تطالعوهم بكل أنواع البذاءات على بنات يشاركونكم سعادتكم الكاذبه بما تفعلون من هز وسط ودلال متصنع ونهاية...آثـــــــــــمه وشباب أصيب بحاله من _الاسبهلال والعته وعلامات البله المغولي_لايكفون عن التلويح برؤوسهم آملين الاّ تفوتهم لحظه من لحظات ..العبث : تبيعون شرفكم..ومبادئكم الرخيصه_ويــال الخساره_تجدون المشتري _اللي هوا عبيط واهبل _
كل ما أتمناه أن أرى مكانكم فارغ تماما بحجم فراغ عقولكم وقلوبكم _يازباله ياولاد الكلب_ : تمنيت مراراً أن يكون رد فعلي أكبر من ذالك بس مش بايدي
اني اغير وزير الاعلام او عالاقل اعرفه ..عشان اقوللو اللي بيحصل ده غلط حرام عليكم _يازباله ياولاد الكلب_
اتمنيت انضم لجماعه ارهابيه والبس حزام ناسف وانسفكوا واحده واحده وواحد وواحد اتمنيت اعمل مظاهره اطالب فيها بمقاطعة جميع اغاني العري ان اطالب بالقصاص العادل من هيفا واخواتها وكل _الزباله وولاد الكلب_
::
لا يمكننا أن نظل نعّلق فشلنا وتأخرنا على شمّاعة ان الظروف ضدنا _او حتى على الناس الزباله وولاد الكلب_ احنا اللي سمحنا بكده ومعنى كده .. اننا فشلنا عشان احنا قررنا اننا نفشل مع سبق الاصرار والترصد
July 25 تــــــــــــــــــــــــــــــــــــــــــــــاج تاج من الصديقه الغاليه
لذا....وجب الرد عليه
:)
:
ثواني هسطّر الورقه وابدأ
 أذكر اسم من طلب منك حل هذا الواجب
د/همس
صاحبة المدونة اللذيذه جداَ
أذكر القوانين المتعلقة بهذا الواجب
اني أحل جميع الأسئله
تحدث عن ستة أسرار قد لا يكتشفها من يقابلك للمرة الأولى
أهو ده الكلام بقه اللي يتحاف منه
انا مدمن قراءه(وبصوره بشعه)وفي جميع المجالات ابتداءَ من ميكي جيب (ده وانا صغير طبعا) مرورا بالجرائد اليوميه -
وصولاَ لمؤلفات العقاد ومحفوظ والسباعي ودنقل وجاهين وافلاطون وشيكسبير وفولتيير وويلز
وباولو كويليو وجابرييل جارسيا ماركيز وبرناردشو وأم اسماعيل لو لزم الأمر
:)
عصبي (بصوره بشعه بردو)ومش بعرف انا بقول ايه وانا متعصب..وبزعّل ناس كتير مني وبندم بعدها
لكن عندي استعداد تام(طبعا مش لاقامة اعياد الميلاد والافراح)لأ ..عندي الاستعداد للأعتذار في حالة ان انا غلطان
:
بكره الظلم_كالعاده بصوره بشعه_لما بشوف ظلم قدامي سواء قدرت اتدخل لرفع الظلم او لأ بحس بحاله
من الاكتئاب قد تطول لأيام عشان اكتر حاجه بتضايقني هيا الناس اللي عايشه وفاكره
انها عايشه في العصر الحجري(بالدراع)يعني
:
بكره المفاجات تماماَ بصوره قد تكون مرضيّه..لدرجة ان اوقات كتير مش برود على الارقام الغريبه اللي بتتصل بيا
لتوقعي انها قد تكون مفاجأه غير متوقعه
 :
مواعيدي(زي الزفت)رغم اني مش بحب الناس اللي مش منضبطه في مواعيدها
 :
بصراحه مش لاقي حاجه تانيه ذات اهميه اقولها الاّ لو كان اني بعد 12بلليل بمشي في الشارع وباكول العيال الصغيره
معلومه تفيد حد
 :
حول هذا الواجب إلى ستة مدونين، وأذكر أسماءهم مع روابط مدوناتهم في موضوعك
دي مشكله عويصه لأن غالبا الناس كلها منقطعه عن التدوين
ومع ذالك ماشي
:)
اترك تعليق في مدونة من حولت الواجب عليهم، ليعلموا عن هذا الواجب
وهوا كذالك
في انتظار تصحبح الواجبات
 July 10 اسطوانه مشروخه" _صباح الخير.. _لماذا..!؟ _من أجلك نعم وهل يجوز ان لا يكون الصباح خيرا وانت هنا موجودة _اين..!؟ _يكفيني وجودك في العالم يكفيني وجودك سماءً يكفيني وجودك قمرا يضوي يكفيني وجودك نجمة سابحه
يكفيني ان احترق شهابا على اعتاب قلبك يكفيني يقيني بوجودك هنا داخلي " _انت مش شايف ان كلامك ده خيالي حبتين؟ وان الاسطوانات دي مبقتش تاكول ببصله مع أي حد؟
_خيالي؟ عذرا..لا استطيع ان يتوقف عقلي عند ماهوا عليه لست متفائلا _لو كان هذا مقصدك_ ولكني لست متشائم ايضا " " وسط ضجيج البشر وزحمة الحياه اشعر بسكونك..بهمسات قلبك بتفردك تملئين مساحات الخيال بأحلامي "
ببساطه شديده..وبعفويه مطلقه أجدك تنسابين داخلي تتملكين منّي اشعر برذاذ عطر كلماتك يحتويني "
لقيتك فجأه جوايا.. رغم انها فجأه..لكن احساسي انك جوايا هنا من ميتين سنه يمكن من ميتين سنه..انا مكنتش هنا وانتي كمان لكن الحقيقه الباقيه انك جوايا أنــا من دلوقتي ..اه وبرضو من زمان
_مش عاوزاك تفهم كلامي على انه سخريه من احلامك لكن انا معرفكش كويس ومتكلمناش مع بعض قبل كده..! يعني مش شوفنا بعض صوت وصوره ..ولا 3G حتى
_مهلاً...الم أراكي.؟ اذن لمن تلك الصورة المنقوشة على جدران قلبي..! اراكي فيها واراني فيها وقد امتزجنا لنكون واحد وجود طيفك هنا بداخلي هو التعويض عن كل ما يعتريني من التناقضات
_لاتقلقين ستكونين دوما اتجاهي حلمي... غاية امالي سوف لن اتخلّى عنكي ابداً "
_حتى لو كنتي خارج التغطيه حتى لو لقيتك غير متاح أو مغلق للصلاه
"
_انت واثق من كلامك تفتكر انا المفروض اصدقك؟ واستناك؟
_.........................
_الو...
_عفواً...انا لا أسمعك يظهر الشبكه بتقطع هنا
_بقووول استنـــــــــــاك؟
_...................
_انت سامعني؟
_لأ مش سامع حاجه
_الو..الو
_تيت تيت تيت
"
قال السماء كئيبة وتجهما..قلت ابتسم يكفي التجهم في السماء قلت ابتسم يكفيك انك لم تزل..حيّاً, ولست من الأحبة معدماً قلت ابتسم مادام بينك والردى..شبر, فانك بعد لن تتبسما ايليا ابو ماضي
July 04 حنين
كلما نحرت الأمواج من صخور شواطئ الذكريات ياللعجب...ازدادت صلابه!
وكأن كل نظريات الفيزياء والأحياء والكمياء والتربيه الوطنيه كمان كانت كلها هجص وسلق بيض ان صح التعبير
كلما حاولنا أن ننسى تلك الذكرى واخفيناها داخل ذالك اللفيف من الخلايا الرماديه والبيضاء داخل العقل وايضا الخلايا الميته(ده لو بتضرب بانجو) ووضعناها خلف الف باب وباب وظننا انها اختفت حتى لا تلبث كثيرا وتراها فجأه على السطح لكي تواجه الحقيقه(العاريه) انك لسه فاكر
كلما تقادم بها الزمن ازدادت ...شبابا
: الامر أشبه باحتفال الصراصير بيك مع بداية شهور الصيف بعد اختفائها طوال الشتاء تجدها بدأت بالتقافز من حولك وكأنها تلوح لك أن ...(هيــــــــــــــــــــــــــــه تاني جينالكو خبّو عيالكو) وانت طبعا كنت فاكرها خلاص بح مش هتظهر تاني
(انت فاهم حاجه؟) " :
يتوقف المشهد الخارجي بالنسبه لك تنفصل عن من حولك تماما تقترب الكاميرا من وجهك(zoom in)..لتغوص داخلك وانت تستعيد تلك الذكرى قبضة بارده تعتصر قلبك
جميع الحواس وجدت ماهو أهم من القيام بوظائفها الطبيعيه وتصبح الوظيفه الوحيده المستحضره هيا..الحنيـــــــــــــــن
"
اه لكم هيا تافهه الحياه " : لايمكن اعتبار ما اقوله على انه حب او غزل
بل هيا مجرد لحظات من عمر عمر ضائع بين احلام ووعود بين انتظار وانكسار بين لهفة التلاقي ..والام الفراق لحظات اسطرها فلا أعلم كم تبقى من عمري كي اتذكر فيه وكم ليله سيزورني طيف ذكرى لأشعر بذالك الشجن
يسعدني احيانا ويشقيني..طوال الوقت : كلما صحوت من نومي اقرر انني يجب ان انساك ورغم مرور كل تلك السنوات ها انا اتذكرك يوميا...محاولا ان انساك :
مجرد انسان June 07 اغيبأغيب وذو اللطائف لا يغيب وأرجوه رجاء لا يخيب وأسأله السلامة من زمان بليت به نوائبه تشيب وأنزل حاجتي في كل حال إلى من تطمئن به القلوب فكم لله من تدبير أمر طوته عن المشاهدة الغيوب وكم في الغيب من تيسير عسر ومن تفريج نائبة تنوب ومن كرم ومن لطف خفي ومن فرج تزول به الكروب ومن لي غير باب الله باب ولا مولا سواه ولا حبيب كريم منعم بر لطيف جميل الستر للداعي مجيب حليم لا يعاجل بالخطايا رحيم غيث رحمته يصوب فيا ملك الملوك أقل عثاري فإني عنك أنأتني الذنوب وأمرضني الهوى لهوان حظي ولكن ليس غيرك لي طبيب فآمن روعتي واكبت حسودا فإن النائبات لها نيوب وآنسني بأولادي وأهلي فقد يستوحش الرجل الغريب ولي شجن بأطفال صغار أكاد إذا ذكرتهم أذوب ولكني نبذت زمام أمري لمن تدبيره فينا عجيب هو الرحمن حولي واعتصامي به وإليه مبتهلا أتيب إلهي أنت تعلم كيف حالي فهل يا سيدي فرج قريب في ديان يوم الدين فرج هموما في الفؤاد لها دبيب وصل حبلي بحبل رضاك وانظر إلي وتب علي عسى أتوب وراع حمايت وتول نصري وشد عراي إن عرت الخطوب وألهمني لذكرك طول عمري فإن بذكرك الدنيا تطيب وقل عبد الرحيم ومن يليه لهم في ريف رأفتنا نصيب فظني فيك يا سندي جميل ومرعى ذود آمالي جميل وصل على النبي وآله ما ترنم في الآراك العندليب
بصوت الشيخ مشاري العفاسي
May 20 صفقة اسلحهمن منطلق التفكيرالشلولو(بفتح اللاّم وتسكين الواو) ومنعطف الادراك اللا مركزي المتوحد وحنيايا الهلاله(بتضخيم اللام)..تنبثق محتويات الذاكره حسناً أعتقد أنها بداية غير مفهومه لذا لك حرية القرار في أن تترك هذه الصفحه ولا تكمل قرائتها :
أنا_لا_يستطيع_الحياه_بطريقة_هكذا لا_يمكن_أنا_أن_نعيش_كما_نكون_في_ غابه _ _نفترس :
مهلا..لاتقل انني شخص سلبي او مجرد غرّ ساذج يقحم عقلك في متاهات لا طائل منها (ملحوظه ياريت كمان متفكرش ان انا مش بعرف اكتب عالكيبورد وعمّال اسقّط الحروف ) أنا قولت لو مش فاهم ...براحتك تكمل او متكملش : حبشتكانا أو مشتكناش أنا رأيي تتطنش وعلى رأي المثل....يالذيذ يارايق يا..يا لأتنين مع بعض واللي يشبط في الدح ميقولش أح
(وبكل سعاده متشكريين عالزياره أظن انت كده هتكتفي باللي قرأته وهتمشي..فا أحب اقولك كالعاده) (ملحوظه..زيارتك شرفتنا) :
: أعتقد ان اللي وصل لغاية هنا ومخرجش ولسّه بيقرأ في الكلام ده حاجه من الأتنين .. ممكن يكون أساساً مكنش بيقرأ يعني فتح الصفحه لقى نفسه في السطر ده (ملحوظه..زمانه مستغرب) ملحوظه للملحوظه السابقه..قصدي على النوع الاول اللي مكنش بيقرا : ياأما يكون مجرد حب استطلاع ...انه يعرف هوا الكلام ده اخره ايه وده النوع التاني
او يكون حس بحاجه في الكلام ده وده النوع التالت (ملحوظه..انا في الاول قولت انه حاجه من الاتنين وبكده انا خلليتهم تلاته فا معلش عدّيها)ونرجع لكلامنا حسّ بالكلام ده قصدي انه فهم هو في الاساس ايه أو الحوار ده هيكون تمهيد للكلام عن ايه
بنفس حرفية المشاهد البارع..اللي بيهرش نهاية الفيلم من أول تلت ساعه مهما كانت حبكة السيناريو أو حرفية المخرج المنوط بالعمل (ملحوظه لا أعرف ما الداعي من استخدام كلمة المنوط هنا ربما تكون خاطئه او لا تفي بالغرض) (ملحوظه تانيه..ياريت متاخودهاش على انها فذلكه) (ملحوظه رابعه..ياريت متكونش زعلت مني) ملحوظه..انا قولت في الملحوظه اللي فاتت انها الرابعه .. وهيا في الحقيقه التالته لذا وجب التنويه على سبيل استدراك الخطأ : : أشعر بأني بالفعل أفقد القدره على التعايش والتواصل مع الحياه بمبدأ الغابه بافتراس من هو أضعف مني..او التقرب ومنافقة القوي
لذالك..أجد نفسي لا استطيع التواصل مع بقية...أي حد ملحوظه...قصدي مع اي حد_بمبدأ أو بنظرية الافتراس : (اوعاوز تمشي براحتك تماما استدراك..لو اتخنقت لو حسيت انك اتدبست في الموضوع ومش فاهم) :
أشعر تماما بخيبة الأمل تجاههم..من أراهم يدهسون الاخريين متجاهلين ابسط الحقائق وهي انهم مايفعلون ذالك سوى لضعف في نفوسهم :::: لا يمكن ان تغدوا معاملاتنا مع من لانعرفه وكأننا مجرد مجموعه من اللصوص وقاطعي الطرق داخل حانه حقيره في فيلم امريكي درجه تالته او حتى تجار سلاح في فيلم للمطاريد : لازم نحافظ على اللفته الانسانيه (ملحوظه..كان نفسي اكتب بعد كلمة الانسانيه كلمة...ياجدعان) لازم نحافظ على اللفته الانسانيه ياجدعان (ملحوظه انا كده عملت حاجه نفسي فيها) (ملحوظه...أقل مايمكنني قوله لكم انكم جدعان..عشان استحملتووكملتو لحد هنا)
: من أبسط الحقائق قول نبينا محمد صلى الله عليه وسلم (تبسمك في وجه اخيك صدقه)
انها من أبسط الصدقات ونحن_استغفر الله_نعرض عنها
يجب ان نفهم منظومة عمل المجتمع ككل لكي نستطيع أن نسمو بتعاملاتنا كما يقتضيه اسلامنا تعاملاتنا اللتي اصبحت تقتصر على مبدأ خد وهات يجب ان يتخللها بعض التعاملات اللتي تكون أولا لوجه الله سبحانه وتعالى ومن ثم في سبيل الوصول للمعامله الحسنه مع الاخريين الرسول عليه الصلاة واسلام قال ((المسلم للمسلم كالبنيان يشد بعضه بعضًا)). ::::::::::::
لا يمكن ان تحكم حياتنا نظرية المؤامره...كل اللي متعرفهومش حراميه ونصابين ولوطالو ياكلو اكلك مش هيتأخروا وممكن كمان تروح بخيالك في انهم هيكلوك انت ذات نفسك (ملحوظه..مش قصدي هنا شخص معين لكن الكلام بوجه عام) ::: المهم كلامي بوجه عام مش قصدي منه مخاطبة الفئه الأولى او التانيه من الناس اللي جات هنا (لو مش فاهم تقدر تراجع الملحظات اللي فوق عشان تعرف الفئه الاولى والتانيه) ملحوظه..انا بحب اكتب جمع كلمة ملحوظه كده.ملحظات..مش ملاحظات..ده عشان برضو نظرية المؤامره ممكن تخليك تفتكره خطأ نحوي . : انا قصدي اخاطب الفئه التالته اللي بيفهموا باحساسهم اللي لسه عندهم الشجاعه انهم يتعاملو بضميرهم اللي بيملكوا الحساسيه المفرطه اللي بتخليهم يهرشوها وهيا طايره :: اعتقد ان بوصولك لغاية هنا انا متأكد من انك من الفئه التالته (ملحوظه..الفئه التالته دي احسنهم) (ملحوظه..وجب التنويه في الملحظه السابقه عشان ممكن بنظرية المؤامره تفتكر ان الفئه التالته دي كوخه ولاّ حاجه (ملحوظه انا قصدت ان اكتب ملحوظه في الفقره السابقه كده ..ملحظه..احب اقوللك انه مش خطأ لغوي برضو)
بالتالي أشكر كل من امتلك رحابة الصدر ليكمل هذا الموضوع حتى نهايته (ملحوظه..انت اللي جبته لنفسك وكملت لغاية هنا) (ملحوظه..العنوان لا يمت بأي صله للموضوع)
مجرد انسان
مجرد انسان March 21 صح النومازيك ياقمري......عامله ايـه؟
وقت كبير اوي فات من اخر مره كنا فيها سوا
لما اتفقنا منكلمش بعض تاني
واتفقنا اننا ننسى بعض
وقلنا النصيب والظروف و..و..واكتشفنا فجأه كمان يومها ان تفكيرنا مختلف وبالتالي مش هنتفق
:
:
على فكره...كنت فاكرك مش هتمشي
او عالاقل هتمشي شويه وتيجي تاني
كنت مستني منك تليفون
او تلفزيون حتى
اهو اي حاجه تيجي منك حلوه
:
مستغربه انا ليه جيت هنا وجيت ازاي؟
انا جيت عشان لقيتك وحشتيني اوي اوي
وحشتيني زي ما اي عيل في تالته اعدادي بيمتحن ووحشته الاجازه
عدت عليا اوقات كتير أوي حسيت ان انا بجد محتاجلك
محتاجلك قد مالمدمن محتاج للجرعه بتاعته
عشان يعمل دماغ جامده
:
شعور يتحول بالتدريج لحنق وسخط وغضب
:
اكره العالم و افتقدك
اعلم ان الضياع معك أفضل كثيرا من الوصول .. إلى أي شيء وحيدا هذا كان اختياري يوم عرفتك ....
كان زمان سهل اوي ان الواحد يعبر عن غضبه وبالشكل اللي يرضيه
كنت بدبدب برجليه في الارض
وبحدف الحجات اللي قدامي في الحيطه
ومفيش مانع اني اشتم كمان عشان انفس عن غضبي وانام مستريح
لكن دلوقتي بقه صعب اوي التحكم في الحنق والسخط ده كله
:
عارفه...اوقات بحس ان الغضب ده بيتحول لحنين ليكي
للحظات سعيده من عمرنا مش قادرين نرجعها تاني
لاحساس بالشجن
:
انتي بتعيطي...؟؟
كنت عارف انك هتقولي لأ...ده التراب بس اللي جي على عنيا كالعاده
بتحتفظي بحزنك لنفسك
:
انا بجد مش كنت عاوز ازعجك
انا جيت هنا في الحلم عشان اشوفك من بعيد وامشي
مش كنت هخلليكي تشوفيني
كنت بس محتاج احس ان انا قريب منك
اشم نفس الهوا الملوث اللي بتشميه
اشوف نفس العفاريت اللي بتشوفيها في الحلم
اعتبريه حاجه كده زي ....تجول لا ارادي في الحلم
:
لقيتك بتتلككي وعماله بتحلمي في نفس المكان اللي بحلم فيه
زي ماتكوني مستنياني
:
لا أعلم الى متى سوف نظل ندّعي بأننا نحيا في مدينه جميله وزمن جميل ووقت جميل
سعداء بما انجزناه في حياتنا
الفانيه
:
ورا كل شباك ... ألف عين مفتوحين
و انا و إنتي ماشيين يا غرامي الحزين
لو التصقنا .. نموت بضربة حجر
ولو افترقنا .. نموت متحسرين
صلاح جاهين :
كنت فاكر ان احلامي اللي ملهاش اخر كلها اقدر احققها
كنت شايف الدنيا بمبي
فجأه لقيت سقف احلامي وقع على دماغي
واتصدمت بالواقع الاليم
اتجرحت كتير اوي لحد ما فهمت ان الحياه حوادث
وقبل ماتدور عالحب
دور على دكتور يعالجك من جراحه
:
اوقات أفوق و يحل عني غبــــــــــايا
واشعر كأني فهمت كل الخبايـــــــــــا و افتح شفايفي علشــــــان اقول الدرر ما أقولش غير حبة غزل في الصبايــــا صلاح جاهين: March 12 فتاة حالمه استلقت على السرير بعد ان اطفأت نور غرفتها...كم تحب هذا الظلام
ينطلق فيه خيالها وتنطلق معه افكارها
نعم...أعلم أني فتاة حالمه
متأكده تماما ان ذالك الفضاء الذي أسبح فيه غير موجود سوى داخلي
ولا استطيع العيش فيه لفترات طويله
فقط عندما انفصل عن العالم الحقيقي
بكل ما يحتويه من الام
مجرد ذكرها يرهق قلبي الضعيف
.................
مش بقولكم حالمه
مقدرش اعيش في العالم الحقيقي طول الوقت
العالم المليان بالقسوه بالالم بالجرح بالطمع بالغش بالخداع بالخيانه بالحروب
بألف حاجه وحاجه
حاجه واحده كفيله تنغص عليا حياتي بقيت عمري كله
...........................
احيانا اشعر ان الحب ماهوا غير سراب نظل نحلم به
نتمناه
ننسج احلامنا حوله
نبني بأفكارنا قصورا في جنته
ولكنه غير موجود
سوى في خيالنا واحلامنا
نجد من يشاركناالحب...نتمسك به...نردد دوما عدم تخلينا عنه
ولكنه مثله مثل أي شيئ....الى زوال
:
تمر اللحظات بطيئه رتيبه ممله
وأجد من يمسح دموعي
ادقق النظر لأراه جيدا ذالك الحنون
هل هو الحب؟
وأظل أدقق وأطيل النظر
حتى يختفي هوا الاخر تاركا اياي في ذات الفضاء
فضاء احلامي
ألم أقل لكم انني فتاة ....حالمه
................
كتير أوي سألت نفسي لحد امتى هفضل مؤمنه ان الحب موجود
وأن شيئ عادي ممكن يحصل ان حد يضحي عشان حد تاني
ويفضل يحبه طول الوقت
لحد امتى هقابل وشوش لابسه اقنعه
زي مانكون طول الوقت عايشين وسط حفله تنكريه
لكن الاقنعه اللي في الحفلات التنكريه بيشيلوها بعد ماتخلص الحفله
أما الاقنعه الحاليه للأسف مش بيشلوها الاّ لما بيخلصو دورهم في الخداع
أو لما بتقع لوحدها لما بنكتشف كدبهم
:
:
ونندم عالعشره الغاليه ونرضى بالمكتوب
والله أدي حال الدنيا بتفرق في القلوب
:
لذالك مازلت أحلم بعالمي الخاص
حيث يكون مقابل الحب هو حب أكثر
ومقابل العطاء هو العطاء
.........................
فتاة حالمه
March 02 طفل يعرب كلمة فلسطينطفل يعرب كلمة فلسطين
منقول للفائده
:
قال الأستاذ للتلميذ ..... قف وأعرب يا ولدي: "عشق المسلم أرض فلسطين" وقف الطالب وقال: الأول: فعل مبني فوق جدار الذل والتهميش والفاعل: مستتر في دولة صهيون والمسلم: مفعول!! بل مكبل في محكمة التفتيش وأرض فلسطين: ظرف مكان مجرور قصراً مذبوحٌ منذ سنين قال المدرس: يا ولدي مالك غيرت فنون النحو وقانون اللغة؟؟؟ يا ولدي إليك محاولة أخرى ..... "صحت الأمة من غفلتها" أعرب... قال التلميذ .... الفعل: ماضي وولى ... والمستقبل مأمول والتاء: ضمير تخاذل ... ذلٌ وهوان الأمة: اسمٌ كان رمز النصر على أعداء الإسلام أما اليوم فقد بات ضمير الصمت في مملكة الأقزام وحرف جر الغفلة ..... غطى قلوب الفرسان فباتوا للدنيا عطشى وشروها بأغلى الأثمان الهاء: نداء رضيع ... مات أسير الحرمان قال المدرس: مالك يا ولدي نسيت اللغة وحرفت معاني التبيان؟؟؟ قال التلميذ: بل إيمان قلْ .... وقلبٌ هجر القرآن نسينا العزة .... صمتنا باسم السلم .... وعاهدنا بالاستسلام دفنا الرأس في قبر الغرب .... وخنا عهد الفرقان معذرة حقاً أستاذي فسؤالك حرك أشجاني وألهب وجداني معذرة يا أستاذي ..... وتهد كياني ... وتحطم صمتي ... عفواً أستاذي نطق فؤادي قبل لساني عفواً يا أستاذي؟؟؟؟؟؟
January 18 من الذاكرهلم تمر سوى لحظات قليله بعد أول لقاء معك حتى شعرت بأنني ينقصني شيئ ما
تلك الرقه التي لاتنتسب لبني البشر الضحكه الملائكيه والتي جعلتني اشعر بأن قلبي يتهاوى يسقط طريح تلك النظره الشغوف يقتلعني صوتها الرقراق ينساب بداخلي ............................................. يااااااااااه...مش معقول تكوني مشيتي
حاسس انك لسه هنا معايا..أو جوايا معرفش شعور بجد غريب ........................................... عندما فقدت الاحساس بكل ماهوحولي
عندما نسيت المكان والزمان عندما تلخص كل تفكيري واقتصر على انك هنا......بجانبي أيقنت بأنك من أبحث عنها ............................................. كتير أوي حسّيت ان مفيش اتنين في العالم ده(ولا حتى في عالم تاني) ارتبطو ببعض
بالشكل العجيب ده الارتباط اللي في أوقات كتير حسيت انه يختلف عن اي علاقه بين اّدم وحوا العلاقه اقوى من كده بكتير اصل لما تلاقي حد قاريك بالشكل ده
حفظك صم وعنده استعداد يسمّعك كمان قبل ماتقول الكلمه بتلاقيه بينطقها وقبل مايقولها هوّا بتكون طبيعي.....قريتها يبقى ايه........؟ برافو عليك ......يبقى ......................................................... ....اتذكر كلماتك هل ستظل تغمرني بكل الحب حتى عندما تسرق الايام والزمان من جمال وجهي؟ .....هل ستظل دوما على عهدك حتى حتى تنتهي بنا الحياه؟ هل ستظل لي وفقط لي دوما؟ .,
., ........................................................... ...طبعا اكيد ودي عايزه كلام يابنتي انا مليش غيرك انتي الوحيده اللي انا بحبها بالشكل ده انتي الوحيده اللي تقدري تملي المساحه الفاضيه اللي جوايا انتي الوحيده اللي مش بخاف منها انتي الوحيده اللي بحس معاها
ان الدنيا لسه حلوه ان الدنيا تستاهل تتعاش انتي الوحيده اللي خللتني احس....ان لسه في لذه في الحياه
انتي اللي بتمنا اعيش ...واموت وانا قريب منها ............................................................
كم تمنيت ان اظل دوما بجانبك ان تجديني طوال الوقت بقربك ان اشاركك كل لحظات السعاده
نتقاسم السعاده سويا ان احمل عنكي كل لحظات الألم ........................................................... ....وفجأه تتحول كل أحلامك بكل ماتحويه من مشاعر الى ذكرى تستعيد نفسها بنفسها بداخلك تجتاح عقلك .....................................
زي مايكون فيلم سينما واسمه الذكرى
وشغال طول الوقت عشان خاطر معاليك
انت البطل فيه....والمشاهد الوحيد كمان
:
: يمكن المكسب الوحيد
ان العرض مجاني
:)
.........................
وأقصى طموحك يصبح هو أن تقوم بايقاف شريط عرض
الذكريات
أو حتى تكسّر الشاشه اللي بيعرضو عليها الفيلم
...............
.....................
.......
حاجات كتيره حلمت بيها
اتمنيتها سعيت لتحقيقها ومتحققتش .. .. معنى كده ايه؟ معناها سهل جدا معناها خلاص...محلمش .....
sorry seems to be the hardest word
What I got to do to make you love me?
What I got to do to make you care? What do I do when lightning strikes me? And I wake to find that you're not there? What I got to do to make you want me? What I got to do to be heard? What do I say when it's all over? Sorry seems to be the hardest word It's sad, so sad It's a sad, sad situation. And it's getting more and more absurd. It's sad, so sad Why can't we talk it over? Oh it seems to me That sorry seems to be the hardest word. What do I do to make you want me? What I got to do to be heard? What do I say when it's all over? Sorry seems to be the hardest word. It's sad, so sad
It's a sad, sad situation. And it's getting more and more absurd. It's sad, so sad Why can't we talk it over?
Oh it seems to me That sorry seems to be the hardest word. Yeh. Sorry
What I got to do to make you love me?
What I got to do to be heard? What do I do when lightning strikes me? What have I got to do? What have I got to do? When sorry seems to be the hardest word December 31 مشوار طويل هاأنا......مجددا اشعر بذالك الخواء الفكري يسيطر علي
انظر حولي نظره خاليه من أي شيئ
فلا أرى سوى مابداخلي
أرى كل شيئ وقد اصطبغ لونه بالرمادي
لتكتمل سيمفونية العدم بداخلي
.......................
أصوات صاخبه وضجيج يخترق أذني
اعتقدت انهم بعض الصبيه يلهون اسفل النافذه
صوت جهازي المحمول يعلن عن وصول رساله جديده
.
.
اكيد واحد رخم باعت رساله رخمه كل ماتحتوي عليه
كلـــــــــــمني
وكأنه عشان معاه رقمي يبقى ليه الحق وف أي وقت انه
يكلمني حتى لو مش معاه رصيد
.
.
قررت أن أزيل الشك باليقين نهضت متثاقلا لأجد احد أصدقاء المناسبات
(وهو الصديق اللي مليش اي علاقه بيه اكتر من رساله كل عيد كل سنه وانت طيب)
بيقول فيها
happy new year
يااااااااااه
انهارده يبقى رأس السنه
يعني العداد هيقلب سنه انهارده
..................
سنه...بكل مافيها من أحداث
بكل ماتحمله من احاسيس
فرح ..حزن... دهشه
خوف
ضياع
وبدأت تظهر تلك المشاعر الكئيبه
واحده تلو الاخرى
ألم
ندم
فراق
لم استطيع تذكر أي لحظه شعرت فيها بالسعاده
السعاده الغائبه
.............................
مش جاي اخنق على اللي بيقرا الموضوع ده
ولا جي ازود الطين بلل زي مابيقولوا
وعارف ان محدش ناقص حزن على حزنه
لكن اعمل ايه...؟فجأه جالي احساس ان المشوار طويل اوي
اوي
ولسه أنا ممشيتش فيه ولا خطوه
حسيت أن كل سنه بتفوت بحس اكتر بعدم الأمان
....................
مع كل العواء اللي بيحصل حوالينا
مع كل اللبش اللي احنا عايشين فيه
الدنيا بقيت وحشه أوي
بقت كوخّه خالص
بقت مفيهاش حاجه تفرح وتخليك تضحك من قلبك زي زمااااان
...........................
مشوار طويل في وسط ليل مفهوش قمر
وقلب تايه احساس بغربه من البشر
وانا وحدي بمشي في سكتى
موجود بعافر بنتصر
وأقع عزمتي بتنكسر باقف واكمل خطوتي الاقي هدفي في قصتي
شايف في اخر الضلمة نور
لو حشني سور أهده هد
احساس بجد بأن هوصل من غير ما قلبي يساعده حد
مشوار طويل .... مشوار طويل .... مشوار طويل
November 26 بحلم على قدي بحلم على قدي
بشراع يعدينى
بشموع تدفينى
بعيون تصون ودى
.................
بحلم بليل هادي
بالضى نتهادي
بنهار برئ عادي
يفتح طريق نبضي
..................
بحلم على قدي
بشراع يعدينى
بشموع تدفينى
بعيون تصون ودى
.................
بحلم بسكتناا
بتغني غنوتنا
ولا خوف يسكتنا ولا ريح تكون ضدى .......................
بحلم على قدي
بشراع يعدينى
بشموع تدفينى
بعيون تصون ودى
................. بحلم بدنيانا
شيلانا عشقانا
للكل فرحانا
مش ليا انا لوحدى >>>>>>>>>>>>>>>>>>>>>>>>>>>>>>
لسماع الأغنيه اضغط هنابحلم على قدي November 03 here iam
“It's only in the mysterious equation of love ..... that any logical reasons can be found, I'm only here tonight because of you, You are the only reason I am... you are all my reasons. ........................................................................ HaPPy ValiNTinE
September 27 لحظة الفراق لحظة الفراق
كنت اعلم انها ستأتي
ولكني كنت اتناسى ذالك في المرات السابقه كان شعوري مختلفا
كنت أعلم أنها ليست النهايه نهاية المشوار ليست نهاية الرحله كل المرات السابقه كان مجرد فراق صوري للتعبير عن التذمر أو ماشابه ذالك وكنت أعلم أنها ليست النهايه ..............................................
كأنك راكب القطار وفجأه قررت انك تنزل هنا!!! في المكان ده لا انت فضلت مكانك ولا وصلت للمحطه الجايه رغم ان الاوبشن بتاع على جنب ياسطى غير متاح في القطارات (على حد علمي) الاّ انك.... لقيت نفسك بالفعل نازل منه بصيت حواليك ...مفيش أي حاجه ولا أي حد مفيش اساسا حاجه تثبت ان انت موجود هنا غيــــــــــــــــــــــــــــــــرك مفيش عربيات بتعدّي من هنا
مفيش قطار هيعدي تاني مفيش اي حاجه تعملها غير انك تفضل متفاجئ من الموقف اللي انت فيه!!! ............................................................................... هاهي قد اتت بالفعل لحظة الفراق....بلا عوده لم أستعد لها
نعم انها الحقيقه انا الان من دونك ومطالب بأن أظل كذالك وأتعايش مع ذالك الشيئ .............................................
لم أوجه لها أي كلمة وداع
كنت أعلم أنها لن تحتمل ذالك أنها أرق من أن أقول لها وداعا ارق من أن تدهس كلمة الفراق قلبها الغض الطري ............................................. لم أجد حتى الوقت الكافي لكي أودعها
كانت لحظه خاطفه
فقط أخذت أتأمل صوتها أستمع اليه بكل جوارحي هل هي اّخر مرّه سوف أستمع لهذا الصوت حتى لقد فقدت القدره على استيعاب ماتقوله استمع فقط لتلك السيمفونيه التي تنبعث من صوتها تنتشلني رقّته وعذوبته فاتني حتى ان أتمنى لها التوفيق
أو ان انصحها بالأعتناء بنفسها .................................... June 10 السقوط داخل دوامة العقل 2.jpg) هل تستحق الحياه كل ذالك السخط.....!؟
كل ذالك الحنق...هل هو رد الفعل التلقائي لما يحدث حوله
أم أنه افتقاد الشعور بالأمان
كنتيجه طبيعيه
لما امتلئت به الحياه من السموم
..........................................
مش معقول يكون كل الالم اللي حاسس بيه ده
حاسس بيه لانه شخص حساس
أو أن كل اللي حواليه فقدو الاحساس
وهوا الوحيد على الكوكب الغريب ده
اللي لسه بيحس والاحساس عنده عالي
......................
يشعر برائحة الفساد تنبعث من كل ماهو حوله
تمسح كل ماهو مبدأ
كل ماهو ذا قيمه
تزيّن لنا السوء
نشتمّ تلك الرائحه
وكأنها عبير الزهور
لم نلحظ ما تحمله من سموم
لاتلبث أن تنقضّ مدمرة أحد الدفاعات الداخليه
وتنهار الدفاعات الداخليه واحدا تلو الاّخر
حتى يصل به الحال لما هو فيه الان
تعجب من ذالك الصفاء الفكري والذي فجأه اصبح يشعر به
..........................
تقدر تقول كده انه حس أن اللي حواليه ده مش حقيقي
أو انه مجرد بطل في لعبة بلاي ستيشن
احتمال يكسب واحتمال ميكسبش
الفرق الوحيد بين حياته واللعبه دي
ان حياته مش من السهل التخلي عنها
لكن لعبة البلاي ستيشن
من حقه في أي وقت انه يقفلها
وينام قرير البال
ممنيا نفسه بالفوز المره الجايه
.......................
بدأ يلمح خيط النور متسربا في حياء أسفل افريز النافذه
كان يعتقد أنه لن يراه مرة ثانيه
وأن الظلام سيسود ماحوله طوال الوقت
.............
كان فاكر ان الدنيا مش هتنّور تاني تكملة للموووود
الكئيب
ومفيش حل غير انه يبحث عن في لوحة التحكم اللي جواه عن
طريقه لوقف تثبيت البرنامج المختص بالكاّبه داخله
......................
ارهف السمع للحظات عندما سمع اذان الفجر منبعثا
من تلك الزاويه الصغيره بجوار غرفته
استعاذ بالله من كل ما يستعاذ منه
....
...
.
قرر أن يتوضأ ويتجه للمسجد لصلاة
...
انزوى مكوما جسده في أحد أركان المسجد بعد الصلاه
كم أنت كريم ياالله
سبحانك
فتحت لنا باب اللجوء اليك في كل وقت
كم هي واسعة أبواب رحمتك
..........
اللهم اجرني في مصيبتي واخلفني خيرا منها
..........
امتلئت نفسه بالطمأنينه بعد ان ردد الدعاء مرارا
بعد ان لجأ لمن لا يغفل ولا ينام
.....
كم كان عبدا ناكرا حين تلفت حوله باحثا عن من يسمعه ويمد له العون
غافلا عن من لا يرد الداعي اذا دعاه
استغفر الله الذي لا الاه الا هو الحي القيوم
وأتوب اليه
.............................
قرر أن يطوي تلك الصفحه من الألم
داعيا ربه
الاّ يعاوده الشعور بها
...................
اللهم اني عبدك وابن عبدك وابن امتك ناصيتي بيدك
ماض في حكمك عدل في قضائك
اسئلك بكل اسم هو لك سميت به نفسك
أوأنزلته في كتابك
أو علمته لأحد من خلقك
أو استاثرت به في علم الغيب عندك
أن تجعل القران الكريم ربيع قلبي ونور صدري وجلاء حزني وذهاب همي
اّميــــــــــــــــــــــــــــــــــــــــــــــــــــــــــــــــــــــــــــن
.gif)  June 01 السقوط داخل دوامة العقل على الرغم من المثاليه المفرطه والتي استطاع ان يجعلها جزء لا يتجزأمن شخصيته
حيث انه دائما ماكان ينصت للجميع افراحهم ,احزانهم همومهم .....كان يسمعها عاقدا تلك الابتسامه التي تبعث للطمأنينه لمن يراها
كان لا يتردد عن النصيحه وقت الخطأ
مرددا أن الهروب من مواجهة النفس عند الخطأ
يولد الم يفوق الخطأ ذاته
اعتاد ان يكون أول المؤيدين للحق
حتى ولو كان على حساب نفسه
.............
تذكر تلك اللحظات التي كان
يسعى جاهدا ليمد يد العون لمن حوله
باعثا لهم الأمل ناثرا تلك الطمأنينه المفقوده حولهم
...............
هاهوا يتلفت باحثا عن من يستمع اليه
لحظات عصيبه من الجزع المختلط بالمراره
الألم يعتصر قلبه
.....................
لم يبح يوما بما يعتمل في نفسه من الام
كان ينسى أو يتناسى الامه
..........
كان يمتلك حجم من الأراده المغلفه بالعزيمه على أن يجعل
اصعب المواقف تبدو هيّنه
...............
وذالك بفضل امتلاكه لذالك الحس المرهف
رغم اختفائه خلف تلك الثقه
والتي تشعرك دائما أن جميع الأمور تحت السيطره
.............
هاهو ينظر حوله باحثا عن تلك السعاده الغائبه عن قلبه
يشعر وكأنه فقد هويته فجأه في منتصف الطريق
...........
أن يقدم للجميع....لكل من حوله بالتأكيد يتملكه ذالك الشعور بالبهجه
والسلام مع النفس
لكن أن يفقد ذالك الشعور
 أن يشعر بعدم التقدير ممن حولهسواء كان ذالك التقدير من شخص بعينه
أو من مجموعة أشخاص
أو من المجتمع المحيط به ككل
وهو أصعب شعور في ما سبق
أن يشعر بالألم كلما نظر حوله
................
ولم يجد نظره حانيه أو يد تربت على كتفه
تعطيه دفعه داخليه تساعده على مواصلة المسيره
......................
مثقلا بالهموم
اراد أن يجلس مع نفسه متأملا
بدا لأول وهله وكأنه سيسقط على الأريكه
قبل أن يتمالك نفسه
 تذكر تلك الايام الخوالي والتي كان يجلس أمام البحر ليلامخاطبا اياه كان يقسم مرارا لنفسه أنه يسمع صوت البحر
يشاركه أفكاره
كان صوت الرياح والأمطار يواسيه في تلك اللحظات
.............................
هاهو الان يجلس على تلك الأريكه مفعما بالهموم
لا يستطيع عبور ذالك الحاجز المنيع بين
الحزن والفرح
ابتسم فجأه ساخرا عندما تخيل نفسه يقف خلف ذالك الحاجز داخل منطقة الحزن
منتظرا من يقوم بادلاء ذالك الحبل ليتشبث به ذالك الجدار الحاجز بينه وبين السعاده
تمنى أن يصبح فجأه شفافا أو شبحا يستطيع أن يعبر الحاجز بين
الم الواقع بقسوته
و لذة الحلم بالخلاص
من ذالك الألم
.
.
.
يتبع
May 19 for my love
........................................ موقف ................
شطحات
.....................
أرض جدباء قاسيه...ليس بها اخضر ولا ماء
ليس بها مكان لكي تستظل
فقط صوت صفير الرياح
اشبه بالعويل
.................
تشعر بقسوة كل شيئ يحيط بك
وكأن الدنيا قد تكاتفت لكي تشعرك بالمراره
تتلفت حواليك باحثا عن من يساعدك
.....................................
مش قصدي هنا مساعده بالمعنى الحرفي لها
يعني مش هتكون في وسط اللوكيشن ده وتكون في انتظار مساعده من نوعية
انك فجأه تلاقي قدامك عربيه مكيّفه ركباها(ميج ريان) او حتى سعاد حسني
وتقوم توصللك لبيتك ده كمان لو مكنتش طماع وعندك أمل انك تتجوزها:)وده
طبعا عند ام علي
أنا قصدي مساعده منطقيه على غرار انك تلاقي راعي للأغنام معدّي من قدامك
ان لم يكن سيسقيك على الأقل هناك احتمال أن يمنحك مروره شعورا بالطمأنينه
...................................
تتوالى أمامك الحقائق المفزعه..مع توالي الليل والنهار
مع كل انبثاق لكل ذالك الضوء من وسط تلك الظلمه القامته
تتراص أمامك الحقائق المتمثله في الوحده
كم هي صعبه تلك الحياه
التي تفقد فيها لذه الاستمتاع بالطبيعه
بتلك القطع الماسيه التي يتألق بها ثوب المساء
بتلك الرمال اللتي رسمت ملامحها الرياح
...........................
مش عارف هوا في ايه؟ لكن اللي كنت عاوز اقوله مش محتاج لكل اللعبكه
اللي انا قلتها كلها دي
الموضوع ياسيادنا ابسط من كده بكتير
الموضوع ان الصوره بتاعت الصحراء والحر والليل
والقلق ده كله هيا صوره داخليه تم التقاطها من داخل عقل الفقير الى الله
أنا
اثناء احدى شطحاتي الفكريه بحثا عن الحقيقه
لقيت نفسي في اللوكيشن ده والمخرج
مدانيش الوقت الكافي اني اقوم بقرائة دوري في الفيلم
وبس خلاص
تتر النهايه
March 29 الابواب المغلقه
الابواب المغلقه عندما تجد كل الابواب مغلقه ...... حتى تلك الابواب التي طالما وجدتها مفتوحه على مصراعيها وكثيرا ما رميت احزانك والامك على اعتابها
...............................................
تلك الوحده القاتله.....التي تشعر بها
بالرغم من وجود مئات الاشخاص حولك
ذالك الخواء في الكون
................................
ناس رايحه وجايه حواليك
دنيا شغاله مش بتوقف عشان خاطر جنابك مخنوق أو متدايق
وتبدأ تتمنى حاجات مبتحصلش
حاجات غريبه
ممكن تتمنى انك تمتلك الريموت كونترول
(remote control) اللي بيتيح لك التحكم في الزمن أو في الوقت عشان تعمل
pause وممكن يوصل بيك الطمع لدرجة انك تتمنى انك ترجع بالزمن وتعمل (renew) عشان تفكر من تاني وتتخذ القرار المناسب واللي مقدرتش تاخدو لما حصل ليك الموقف ده امنيات غريبه فعلا
..........................
كم هو شعور بالالم والحزن ...وانت تجد نفسك واقفا امام ذالك الباب
عاجزا عن فعل شيئ
مكتوف الايدي
مرتبك المشاعر
...........
وتلاقي نفسك بتحاول.....
مش مجرد طرق على الابواب المغلقه
وأكيد مش باستخدام طفاشه
لكن يكفيك شرف المحاوله
وفي رأيي أن السعي وبذل المجهود لتحقيق هدف
يعوض ذالك الشعور بالحزن من عدم تحقيقه
يعني عملنا اللي علينا والباقي على الله
..
ابتداء من الطرق المتواصل
وحتى استخدام الطفاشه
lol
...............................
ولكن الالم الحقيقي .....حين تجد الابواب المغلقه
وقد تم وضع لافته عليها تنص على انه ممنوع الاقتراب والتصوير
...............................................
ده الباب مقفول وكمان متشمع بالشمع الاحمر
........................
.
.
كم هو شعور بالخزي والعار
من كون تخليهم عنك وغلق ذالك الباب في وجهك
كم كان الاحساس مهينا
....
حتى تتمنى ان تعود طفلا صغيرا
وتملئ الدنيا صراخا
لكي تعبر عما يعتمل في داخلك
اهـــــــــــــــــــــــــــــــــــــــــــــــــــــــ
.......................
احترامك لنفسك وكرامتك
لا يسمحون لك بمعاودة الطرق
او استخدام الطفاشه
ولكنك تحتاج لأن تتحدث.....تقول
نفسك تلاقي حد يسمعك ويجاوب
على الاف الاسئله....والاف علامات الاستفهام ؟؟؟؟
.....................................................................
تشعر وكأنك قاطره قديمه أوشكت على الانفجار
يتصاعد منها الدخان الناتج عن احتراق جهازك العصبي
اللي ملوش قطع غيار في السوق
.................................
هيــــــــــــــــــــــــــــــــــــــــــــــــــــــــــــه
............
ربما
سألملم تلك الاوراق المتبعثره داخل عقلي
وأقوم بأحراقها
لتكون وقود لتلك القاطره القديمه
......................
وربما لن أعود لأكتب هنا مرّه اخرى
كم مللت سرد تلك الخزعبلات التي تلوح لي في الأفق
فهي غير ذات قيمه لأحد
ولكنها بالنسبة لي تمثل القيمه ذاتها
......................
كم تمنيت أن يصبح في استطاعتي التخلي عن تلك المشاعر الأنسانيه
اللتي كثيرا ما اّلمني امتلاكها
ذالك الشيئ الرابض داخلي المسمّى بالضمير
الذي يمنعني من أن أكون مثلهم
فأستطيع التخلّي عنهم عندما يكونو في أمسّ الحاجه لي
.........................
.........................
وطبعا ساعتها وبقلب جامد يا معلم تقدر تقفل الباب في وش أي حد
منت خلاص بقه معندكش منه _اللي هوا الضمير_
ومفيش مانع انك كمان تضحك ضحكه شيطاني من بتوع افلام الرعب
عشان تحس فعلا بلذة الشر اللي موجود جواك
وممكن تتمادى الى حد كسر تلات قلل_جمع قلّه_
ورا الباب عشان اللي يخبّط ميجيش تاني
فعلا حاجات غريبه
....................
.................... ايديا فى جيوبى و قلبى طرب سارح فى غربه بس مش مغترب وحدى لكن ونسان و ماشى كده ببتعد معرفش او بقترب .......................................................................
اللهم انت ربي ..لا اله الا انت
خلقتني وأنا عبدك,وانا على عهدك,ووعدك ما استطعت,اعوذ بك من شر
ما صنعت,ابوء لك بنعمتك علي, وابوء بذنبي,فاغفر لي فانه لا يغفر الذنوب الاّ
انــت
.....  |
|
||||||||
بالرغم من عدم وجود موطىء لقدمك
|
|
